‘Wag mo akong gaguhin. May blog ako. Gusto mo i-blog kita?!

September 14, 2011 § 11 Comments

Sa kalagitnanaan ng taong 2008

Tropa 1: Oy Tsong, blogger ka daw?
Ako: Oh.
Tropa 2:  Hindi lang basta blogger tsong. Humor blogger.
Tropa: Naks! Humor blogger! Joke nga diyan.
Tropa 2: Oo nga. Joke naman diyan.
Ako: Mukha niyo!
Tropa 1: Sige na, mag-joke ka na. Tignan natin kung nakakatawa ka talaga.
Ako: Mukha niyo! Napakalaking joke ng pagmumukha niyo!

End.

Anyway, Happy 4th blogversary sa’kin!

6 Easy Steps

August 11, 2011 § 4 Comments

Kakatapos ko lang basahin ang Love is a Mix Tape na isinulat ng isang manunulat ng Rolling Stone Magazine. Tungkol ito sa pag-ibig, kamatayan at musika. Ayos naman ang libro, hindi gaanong madrama na swak sa panlasa ko at hindi din pala ako marunong gumawa ng review. Kahit noong high school ako tuwing may kinalaman sa pagrereview ng pelikula at libro ang assignment o project ay sinasangguni ko na lang kay Manong Google. Hindi pa gaanong uso noon ang internet kaya nakapasa ako ng high school na may halong pandaraya.

Kung ikaw ay mahilig sa musika, isinasangguni kong gumawa ng account sa last.fm. Dahil bibinigyan ka nito ng recomendasyon ng mga “artists” na maari mo ring magustuhan ayon sa panlasa mo sa musika. Madami akong nakilalang musikero dahil sa last.fm at kaibigan ko din pala doon ang direktor na si Quark Henares (Bragging rights! Woohoo may kaibigan akong sikat sa isang social networking site!) *ilag sa mga binabatong kamatis*.  Kung sakaling may account ka na dito o kung sakaling maisipan mong sumali, pwede mo akong i-add (alienferbert ang username ko) at baka ikaw na ang matagal ko nang hinahanap na musical soul mate ko at kung sakaling “super” ang compatibility natin ay pwede na tayong mag-inuman kahit anong araw (sagot ko ang isang bucket! pramis!)

Yaman din lamang napag-uusapan ang musika ay gumawa akong listahan o hakbang kung paano gumawa ng pop song na magiging number 1 sa MYX at sa US Billboard.

  • 1. Auto-tune

Hindi na importante kung sintunado ka dahil sa kapangyarihan ng autotune ay matataamaan mo na ang bawat nota. ‘Wag mong alalahanin kung para kang asong ulol tuwing kumakanta dahil sa auto-tune ay tiyak na magiging Grammy Award winning singer ka. Itanong mo pa kay Kanye West. Kung wala kang autotune na software ay pwede kang kumanta sa harap ng electric fan.

  • 2. Lyrics

‘Wag kang masyadong mag-alala dahil hindi mo kailangang maging mahusay na liriko para makagawa ng pop song. Mag-isip ka lang ng tatlong salita at ulitin mo lang ito sa loob ng tatlong minuto. Halimbaw: “Paulit-ulit, Ulitin ulit” . Tandaan naging milyonaryo ang mga miyembro ng Black Eyed Peas dahil sa dalawang salita lang “My humps, my humps, my humps, my humps”. Syempre kasali din ang lukaret ng mundo na si Lady Gaga “Pok pok pok pok pok poker face”. Kung sumikat ang mga awitin nilang paulit-ulit, walang dahilan para hindi sumikat ang kanta mong paulit-ulit din ang lyrics. At ang pinakaimportante sa lahat;  huwag na huwag kakalimutang isingit ang “Ohhhh”, “Ahhhh” at “Yeah”.

  • 3. Rap

Lahat ata ng sikat na pop songs kailangang may rap. Hindi na importante kung masira nito ang takbo ng kanta mo. Tignan mo ang “Baby” ng boses-pekpek na si Bieber, pinasingit lang niya si Ludacris sa kanyang awit at kinabaliwan na siya ng mga bagong-reglang dalagita.

  • 4. Himig

Hindi matatawag na awit ang isang awit kung wala itong himig. Kung ikaw ay pinagpala sa larangan ng paggawa ng himig ay pwede mong simplihan lamang ang gawa mo sa minimum na tatlong chords at maximum na ewan ko dahil wala din akong alam sa paglalapat ng himig. Kung ikaw ay kagaya kong walang alam sa himig maliban sa alphabet song, pwede kang pumili ng lumang awitin ay pabilisin mo ito. Isang magandang halimbawa ang “Lambada” na parang-ni-revive-pero-hindi ni J.Lo

  • 5. Ryan Bang/Sandara Park (Optional)

Kung ang target mong market ay Asya ay pwede kang kumuha ng Koreano na marunong sumayaw, tiyak magiging sold out ang concert mo sa Araneta. Sikat sa mga kabataan ang mga Koreano dahil sa kadahilanang hindi ko alam. Hindi ko maintindihan kung anong nakita nitong mga batang ‘to sa mga singkit na amoy kimchi. Tumatanda na siguro ako saka laos na din kasi ang F4.

  • 6. Lesson

Para tangkilikin ng madla ang awit mo kailangan may matututunan silang leksyon dito.  Tulad nang kung paano ka sumuka dahil sa alak. Kung bakit mo pinagmumog ang gin ‘nung bagong gising ka. Kung ano ang nangyari sa’yo habang nanonood ng porno. Kung sino sina Doug, Shorty at Shawty. O kung ano ang susunod na araw pagkatapos ng Huwebes at kung bakit masaya ang weekend.

‘Yan ang anim hakbang para makagawa ng sikat na pop song ang kailangan mo na lang ay kumikinang na kasuotan para maihayag ka nang tunay na pop star.

Kay Ron Jeremy Ang Kahu-hulihang Yosi

August 6, 2011 § 5 Comments

Habang tinitipa ko ang mga letra para sa entry na ito ay kasalukuyan ko ring hinihithit ang aking kahuli-hulihang yosi.

Sa aking super-gigantic-mega-gargantuan na katawan ay may isang maliit na bagay na balang araw eh papaslang sa’kin. It’s in the genes. My mom died dahil sa cancer at gayundin ang aking lola. Ayokong dumagdag sa listahan ng mga nasawi dahil sa traydor na cancer. Ako ang nag-alaga sa lola ko bago siya mamatay and my life is not gonna end as lame as cancer. I planned to die as a man na magiging national issue ang kamatayan, either heroic o may gagawin akong kagaguhan sa gobyerno. And yes, I also came from a political family. Lahat naman ata tayo ‘di ba? May kamag-anak tayo na nakaupo sa gobyerno. Ang lolo ng lolo ko ay dating mayor, ang lolo ko nagsilbi sa gobyerno, ang brother-in-law ng lola ko ay dating mayor, ang kuya ko e dating S.K chairman at ang ate ko ay dating presidente ng fans club ni Sheryl Cruz. LOL

Tulad ng ate ko e may iniidolo rin ako. Si Ron Jeremy, ang aking idolo dahil sa likod ng kanyang nakakadiring itsura ay nakakabembang siya ng mga dilag na pantasya ng mga kabataan. Porn are for teenagers tulad ng pagjajakol. Guilty! Eh ano naman ngayon? Teenager ako na na-trap sa twenty-something na katawan. Ayokong maging Ron Jeremy habang buhay, gusto kong maging Peter North. Hindi ako panget na tipong “pantawid gutom din yan” pero hindi naman ako sobrang gwapo na tipong pagpapantasyahan mo kapag nag-iisa ka. Sakto lang. Ang problema lang talaga eh mataba ako. An Asian dude with a huge belly. Get the picture? Tangina mo, 11 and a half ang size ng sapatos ko! Hihi

Matagal ko nang balak magpapayat. ‘Nung kinse ako eh pinangako ko sa sarili ko na pagdating ko ng 25 ay mapapasali na din ako sa listahan ng pinaka-hot na bachelors. Dream big ikaw nga. Ngayong isang taon at ilang buwan na lang ay magiging silver-man na ako. Kung saka-sakali man may maimbentong time machine pagtuntong ng ika-dalawampu’t limang kaarawan ko at maisipan ng aking 25 year old self na bumalik sa nakaraan 10 years ago eh ayoko namang madisappoint ‘yung kinse anyos na binatang iyon na kakatikim pa lang ng luto ng Diyos at ayoko ding makita ng aking 25 year old self ang naagnas na bangkay ng 35 years old na Ferbert Baustista kung sakali man na maisipan din niyang bumisita sa future.

Nasimulan ko na ang nobela ko, kwento ng isang obese na lalake at ayokong hindi maging mala-Disney Movie ending ang pagwawakas nito. Naghahangad tayong lahat ng happy ending at ayokong mauwi sa trahedya ang huling kabanata ng aking nobela.

Ang pulitika ay nasa dugo ko pero hindi ako magpapangako, balang araw may makikita na lang kayong larawan sa blog ito at mapapa-Putangina na lang kayo.

Sabay ng pagtatapos ng entry na ito ay ng huling hithit sa yosing nagsilbing kaibigan na unti-unti tumatraydor sa’kin.
.
.
.
.
.
.
.
.
.
At ilang segundo pa lang mula sa huling yosi ko ay naglalaway na ako. Putangina lang.

To My Unborn Son

June 15, 2011 § 9 Comments

I’m sorry to disappoint you but I am not Superman. Sinubukan ko kaso… Peste! Ang buong mundo ang kryptonite ko.

Unang leksyon na maibabahagi ko sa’yo, ang mundo ay puno ng disappointment. Madidisappoint ka kasi hindi mo mapapanood ang paborito mong cartoons sa umaga dahil kailangan mong pumasok sa eskwela. Madidisapoint ka sa mga makikilala mo, mga nagkukuwanring kaibigan pero pagsapit ng gabi’y lumalabas ang kanilang pangil upang laklakin ang dugo mo at para pahinain ka. Hindi fairy tale ang mundo dahil hindi naman ito perfect circle. Nasabi ko na nga puno ng disappointment ang mundo pero gusto kong malaman mo kahit kailan hindi ako madidisappoint sa’yo.

Pwede kang magkamali. Karapatan mo ‘yan bilang tao. At bilang iyong ama, pinahihintulutan kitang magkamali. Hindi ako magiging istrikto, gusto ko maging cool. Barkada lang tayo, pwede kang humingi sa’kin ng condom kung kailangan mo. Kung kailangan mo ng pang-inom, ‘wag kang mahihiyang humingi sa’kin. Mas gusto ko nang humingi ka sa’kin kesa naman mabalita pa sa TV Patrol o 24 Oras na nagnakaw ka ng alak sa 7/11.

Habang baby ka pa e umihi ka kung saan mo man gusto, pwede mong ihian ang shirt ko habang karga kita. You fucking little son of Ferbert Bautista. Friends lang tayo pero ‘wag mo lang akong gagalitin dahil ayaw mo akong makitang magalit.

Mag-aral ka. ‘Wag mo akong gayahin. Wala akong pake kung kailangan kong magbenta ng kidney para lang makapagtapos ka. Kahit ilang kurso ang kunin mo basta may maibebenta pa akong laman-loob kakayanin ko. Ang importante makagraduate ka, pagsusumikapan natin ‘yan. Isa ‘yan sa maipapangako ko. Barkada tayo pero pagdating sa pag-aaral ako muli ang tatay mo.

Makikinig ka sa’king mabuti dahil kahit walang sense ang mga pinagsasabi ko sa moderno mong tenga e kailangan mo ito. Pwede kang magdala ng ilang babae sa bahay basta lagi mong iisipin na sa bawat tamod na nawawala sa’yo ay maaring madadagan ang resposibilidad mo. Muli kong inuulit; pwede kang humingi ng condom sa’kin habang wala ka pang trabaho pero kapag nagkatrabaho ka na e dapat ilibre mo ako.

Wala naman akong masyadong hinihiling sa’yo. Hindi ko hinihiling na maging basketball player ka sa NBA o maging Austronaut na unang tatapak sa Jupiter. Lumaki ka lang na mabuting tao e para na rin akong nanalo sa lotto.

‘Wag kang padadala sa tukso. Sa likod ng bawat sarap ay may kabayaran na sakit. ‘Wag kang manloloko ng babae. Babae rin ang nanay mo. Magmahal ka pero ‘wag lang sobra. Ngayon pa lang binabalaan na kita, MAG-INGAT KA!!!

Pwede kang umiyak, ano pang silbi ng tear ducts mo kung wala din naman palang luha na lalabas diyan. Hindi kabawasan sa pagkalalake ang ilang patak ng luha. Umibig ka at masaktan dahil diyan ka matututo kung paano mabuhay. At kapag nakilala mo na ang gusto mong makasama habang buhay e ‘wag mo na siyang pakakawalan.

Muli akong humihingi ng tawad dahil hindi ako si Superman. Isa lang akong normal na tao pero mahal kita. Aalagan kita at proprotektahan nang higit pa sa kakayahan ng isang superhero.

P.S Magpasalamat ka sa Mommy mo dahil hindi ka niya nilunok at hinayaan niya akong iputok sa loob.

Nagmamahal,
Ang Iyong Kaibigan/Tatay

Pity Fcuk

February 12, 2011 § 20 Comments

May kasamahan ako sa trabaho na paranormal investigator. Lagi niya akong nilalapitan, kasabay ko siyang mag-lunch saka mag-yosi. Okay na rin, pang-alis na rin ng mga masasamang espiritu sa kapaligiran ko. Epektibo naman, walang panget na lumalapit sa akin. Lagi siyang may nakikita, doon daw mismo sa pwesto namin eh laging may mga babae. Akalain mo ‘yun malakas pala ang sex appeal ko sa mga multo, buti pa sila lumalapit sa akin samantalang ang mga tunay na pekpek eh pinagkakaitan nila ako ng atensyon at take note MGA. Mga = Plural.

Marunong din manghula etong si P.I. Lahat ng mga kasamahan ko sa trabaho eh nahulaan na niya, ako na lang ata ang hindi. Takot me much eh. Baka sabihin niyang mamamatay akong tigang at hindi na makakatikim ng luto ng Diyos. Tinanong lang niya ang birthday ko. Taon ng mga Dragon ‘nung ipinanganak ako kaso ‘nung nagsabog ng biyaya ang panginoon hindi naging mala-dragon ang alaga ko.  Kaawaan niyo naman ako magagandang dilag ng mundo. Kahit pity fuck na lang. LOLJK.

Mabalik tayo, dragon means destruction daw. Ang 2012 ay taon ng mga dragon. Pero I don’t give a fuck, aabot pa ako hanggang 2020, ang taon kung saan sinasabing magiging First World na ang Lupang Hinirang.

Minsan na rin akong nahulaan ‘nung nasa kolehiyo ako. Ang siste may isang kapihan na madalas naming tinatambayan noon at isang araw ay may lumapit sa amin na manghuhula. Nagpahula ako.  Hindi ko na matandaan ang lahat ng sinabi niya sa’kin pero may isa akong natatandaan– makakapag-asawa daw ako ‘pag 24 na ako. Mas matanda daw sa’kin ang magiging Mrs. Ferbert Bautista, mayaman, medyo mataba rin a.k.a malaki ang boobs at siya raw ang magiging susi sa katuparan ng mga pangarap ko. Simple lang naman ang pangarap ko ang may makapag-perform sa’kin ng helicopter at kung matutupad man ito next year ‘pag bente kwatro na ako eh pwede nang magunaw ang mundo.

Hindi rin naman ako masyadong nagpapaniwala sa hula. Hula nga eh, maaring magkatotoo at maari ding hindi. Tignan na lang natin next year kung magkakatotoo nga ang hula sa akin noon. Sabi nga sa isang kanta ng Eraserheads; “Ikaw ang Diyos at hari ng ‘yong mundo”.  Ako ang may hawak ng baraha, nasa akin na kung paano ko didiskartehan ang larong ito. Basta isang lang ang sigurado ako sa future, kamukha ko pa rin si Jomari Yllana.