Amlodipine

February 7, 2011 § 8 Comments

Binanggit lahat ni Doc Ganda lahat ng klase ng sakit.

Vertigo.  Astigmatism.  At kung ano-ano pang klase ng sakit.

Wala po.

Malabo ang mata?

Mas malabo po ‘yung kanan kesa sa kaliwa.

Pinahawak niya sakin ang isang card na para sa eyetest. Isang dipa ang layo mula sa mata ko.

Pakitakpan ‘yung kaliwang mata.

Ay! Sabi ko dahil kanang mata ng tinakpan ko.

O nalito pa. Sarkastikong pahayag ni Doc.

Malabo. Hindi ko makita ang mga letrang nakasulat sa papel. Nanghula na lang ako.

A S D Z W E F H I L N… G?

Alam kong walang tumama kaya ngumiti na lang ako. Ngiting aso.

‘Yung kaliwa naman ang takpan mo.

Mas malinaw nang konti pero hindi ko pa rin mawari kung alin E o F ang nakikita ko o A o Y, Vo U. P o D.

Tumama ako sa ilan. Tantya ko mga Animnapung porsyentong tama at apatnapu ang mali.

Malabo pa rin kung ikukumpara sa 20/20 ang vision. Totoo nga yata ang kasabihan ng mga matatanda na nakakalabo ng paningin ang pagjajakol.

May luslos? Almoranas?

Wala po.

Iche-check pa ba ang pwet?

‘Wag na na lang po. Sabay ngiti.

Pakisara ang pinto, pakihubad na rin ang  t-shirt at higa ka sa kama.

PO?!

Akala ko ba wala nang sundutan ng pwet? Tanong ko sa sarili ko. Pero dahil ako ang slave sa clinic na iyon at si Doc ang master na hawak ang latigo ay naghubad pa rin ako ng t-shirt at humiga sa kama. Binuksan ko na rin ang butones ng short ko at ibinaba ang zipper.  Sa isip ko sinabi ko “Sige Doc, ikaw na ang bahala. Gawin mo na ang gusto mong gawin sa katawan ko. Gawin mo akong alipin ng tukso.” Eto na, magaganap na sa akin ang mga napapanood ko sa porn.

Nagulat si Doc, muntikan ko nang ibaba ng tuluyan ang salawal ko ng sinabi niyang “Akala ko ba hindi ko na iche-check?”

I just had a Lock the Door Moment mula sa pelikulang A Very Special Love.

Nasa loob ng kwarto sa opisina si Laida. Papasok si Miggy. Kita ang strap ng bra ni Laida. Itatanong ni Miggy: “What the hell are you still doing here?” Hindi sasagot si Laida at aayusin lang ang strap ng bra na parang nahihiya. “Lock the door” sabi ni Miggy. Manlalaki ang mata ni Laida at gulat na sasabihing “Sir ‘wag po!”. Eto namang si Miggy walang kaalam-alam at walang malisya sa utak sasabihin lang niyang “Lock the door when you leave” at si Laida at mapapahiya. The End.

Parang ganon na nga ang naramdaman ko. Nginitian ko lang si Doc at agad kong itinaas ang short ko at isinara ang butones at zipper ko.

Kinapa-kapa niya ang malaking tiyan ko. Pinindot-pindot at tinanong kung masakit.

Wala naman akong naramdamang sakit.

Umupo ulit ako.

Tinanong kung may hypertension ako.

Gusto kong magkamot ng ulo dahil alam kong sasablay na ako simula sa tanong na ito.

140/80 ang normal na B.P ko Doc.

Pero sinabi na ba sa’yo na may hypertension ka?

Patay!

Ang resulta. Candidate daw ako for hypertension. Akalain mo ‘yun para lang akong si Major Major Venus Raj na kalahok sa beauty pageant at ang grand prize ay high blood.  Pero ‘nung December pa ito naganap. Matapos ang ilang mga tests at kung ano ano pang shits na muntikan ng ikaubos ng kayamanan ko ay kumpirmado na nga. May hypertension ako. Habang buhay tuloy akong magte-take ng maintenance.

Tanginang puso ‘to eh. Ayaw makisama, palpak na nga sa lovelife tapos palpak pa sa medical test.

Anyway, malapit na ang 14. Happy Halloween sa inyo. Pagbati mula sa isang matabang ampalaya.

§ 8 Responses to Amlodipine

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading Amlodipine at Kokey Monster.

meta

%d bloggers like this: